پرۆژەکەی مالیکی و واقع بینی ئێمە


جەلیل ئازادیخواز


پرۆژەیاسای فراكسوێنی مالیكی، پرۆژەیەكی ئێرانیە .ئەم پرۆژە تەنیامە بەستی دەركردنی هێزەكانی خۆرهەڵاتی كوردستانە و بەس. ئەم پرۆژەیاسا ڕاستە پرۆژەی ئێرانە، بەڵام درێژەی ئەو جەمسەرگیرییە هەرێمی وجیهانی و ناوچەییە، كە ڕیزبەندی خۆی دیاریكردووە. بۆیە هیچ شتێكی سەیر و چاوەڕوا نەكراونییە، ئەگەر بەشێك لەكوردی باشوور لە ئاست ئەم یاسا بێ دەنگ یا هاوڕابێت. كێشەكانی ڕۆژئاواو باكورو وپارتی وپەكەكە، مەخمور و شەنگال وحەشدی شەعبی. جەلەولا و دەوروبەری خانەقین و ئامادەبوونی پر ڕەنگ وبەرجەستەی ئێران و حەشد .گوشاری پارتی لە ڕۆژئاواو دانوستانەكانی ژنێف و ئاستانەو ڕۆڵی توركیا. ناڕازی بوونی ڕۆژئاواو و ئەمریكا لەبەشێك لەكورد، بەهۆی پەیوەندیەكانی لەگەڵ ئێران و خەونی سەفەوییەت. هاتنەسەرخەتی ئەمریكای نوێ و تووند بوونەوەی دۆخەكە لەئێران . ڕاسانی وڵاتانی عەڕەبی وسوونەو توركیە لە ئێران و هێڵی سەفەوی . ناڕازیبوونی سوونەی عێراق و هاوسۆزی لەگەڵ ئەم بەرە. ئەگەر بۆشی بگونجی، دەرفەتی شیاولەكیس خۆی نادات . دەبێتە هێزی كارای. ناكۆكی ناوماڵی شیعەی عیراق. چەند گوتاریی كورد. دابەشبوونی ئاشكرای كورد بەسەرئەم دووبەرەدا. پەكەكە و ڕۆژئاواو، بەشێك لەیەكێتی لە مەداری گوتاری ئێراندان . مەدارێ كە بۆ كورد هیچ سود و بەرژەوەندیەكی نییە. مەدارێ كە بۆ خۆشی دەزانێ داهاتووی نییە و ڕوولە ئاوابوونە . نەك تەنیابە و هۆیە کە دژە كوردە و ئێران سەرپەرستی دەكات. توركیا و وڵاتانی عەرەب و سوونەش دۆستی كورد نین و ڕۆشناییان بۆ كورد تیادابەدی ناكرێت . خاڵی سەرەكی بڕیاری ڕۆژئاواو ئەمریكایە، كە سەركەوتنی نزیك لە مسۆگەرە و ڕوولە شارستانی و دیموكراسی وكەمترین ماڤی مرۆڤە.
بەرەی ئێران ، بەرەی دژە شارستانی و ئیسلامی میانەو  خودی تەشەیوعی ڕەسەنەیشە . رووسیاو چین وەنەبێت کە ئەم ڕاستیە نەزانن و ئستراتیژی خۆیان گریدابێت بە ئێران و قەیرانەکانیەوە . ڕوونە ئەوان لە بۆسەی بەرژەوەندی خۆیاندان . مێژوو هەرلە کۆماری کوردستان و شێچ عوبەیدوڵاو شؤڕشی ئەیلوول هەمووی دەرخەری ئەم ڕاستیەن کە ناکرێت کورد پاڵ بە رووسەوە بدات . دیارە کوردستانی سوور و پێشکەشکردنی بە کۆمارەکانی ئێستای رووسیە با بێسێت . فایلی ناوکی ئێران و چارەنووسی سەدام و ئەفغانستان بابوەستن . دیارە ئەمانە بە مانای ئەوە نییە کە کورد هەموو هێلکەکانی لە سبەتەی ئەم بەردا دانێت .

لەراستیدا دەبێ کورد لەم ساتە پڕکارەساتەدا وریابێت و دیاردە ناسانە ڕووبەڕووی ڕووداوەکان بێتەوە . ئاساییە کە چەند گوتاریی و زۆر هەڵویستی بین ، بەڵام ئستراتیژی باڵای نەتەوەییمان مەکۆی هەموو هەلوێستەکان و ناوکۆی هەموو ئیستاتیژەکانمان بێت . مەخابن کەوانییە. هەندی گؤران بەریوەن و بەرگری و دواخستن و پێش خستنی لە بازنەی دەسەلاتی کورددا نییە . بەرژەوەندی باڵای کورد، دەخوازێت کە لەئاراستای ئە رووداوانەدا بین کە نەدەمانکەنە پاشکۆ و نە زەبر لە بەرژەوەندیمان دەدەن . ئێمە ئێستا هێزین . دەتوانین لە ئاراستەی بەرژەوەندی و گؤڕانەکاندا کاریگەربین . بۆیە دەبێت کاریگەریمان لەسەر ئەو ئاراستە و گؤڕانکاری و هێزانە بێت ، کە بەرژەوەندیمان لانی کەم ناخانە مەترسی و خاوەنی داهاتوون .

ئێمەی ڕؤژهەڵاتی هێزین . هێزمان لەیەکێتی وهاوڕێی ماندایە . هیچ بەشێکی کوردستان بە قەد ئێمە خاوەنی ئەزموون و ڕابووردوی تێکۆشان و هێزی بە زەبری جەماوەریی و حیزبی نیین و نە بوون .پرۆسەی ڕووداوەکانی ناوچەکە ببینین ، دەسکەوتەکانیان هێندەی بەرئەنجامی فاکتەری دەرەکی وگؤرانە.  هێندە بەرئەنجامی ڕێکخستن و کاری خۆیان نییە . چەقی ئستراتیژیمان ڕوانینی سەرەوەیە . بەڵام چاوەڕێ نەبین هەموو کورد وەک ئێمە بن و ەک ئێمە بیرکەنەوە . ئەمەیە واقعی کورد.  ئێمە دەبێت لەم واقعەوە خۆمان و داهاتوومان و کوردستان ببینین .





ئه‌م بابه‌ته 2044 جار خوێنراوه‌ته‌وه‌‌

AM:12:01:03/03/2017


زۆرترین خوێندراو