بەڕێوەچوونی ٢٦ی رێبەندان ساڵڕۆژی ئاشکرابوونی خەباتی کۆمەڵە لە سوئێد

 

بەبۆنەی چلەمین ساڵوەگەڕی ئاشکرابوونی خەباتی کۆمەڵە، رێوڕەسمێک بەم بۆنەیەوە لە وڵاتی سوئێد بەڕێوەچوو

رۆژی شەممە رێکەوتی ٢٣ی فێورییەی ٢٠١٩ی زایینی بەرامبەر بە ٤ی رەشەممەی ١٣٩٧ی هەتاوی رێوڕەسمێک بەبۆنەی چلەمین ساڵوەگەڕی ئاشکرابوونی خەباتی کۆمەڵە لە شاری ستۆکهۆڵم پێتەختی وڵاتی سوئێد بەڕێوەچوو

لەم رێوڕەسمەدا کە پێکهاتبوو لە دوو بەشی سیاسی و هونەری، بەشداری ئەندامانی دەفتەری سیاسی و کومیتەی ناوەندی کۆمەڵە، نوێنەرانی حیزبە کوردییەکانی باشوور و رۆژهەڵاتی کوردستان، نوێنەرایەتی حکومەتی هەرێمی کوردستان، نوێنەرانی ئۆپۆزسیۆنی ئێرانی، کەسایەتییە سەربەخۆ سیاسییەکان، کادر، ئەندامان و لاینگرانی کۆمەڵە و کوردانی دانیشتووی ستۆکهۆڵم و دەوروبەری بەڕێوەچوو

لە بەشی یەکەمی ئەم رێوڕەسمەدا هاوڕێ "ئەبووبەکر مودەڕسی" ئەندامی دەفتەری سیاسی و جێگری سکرتێری گشتیی کۆمەڵە، لە وتارێکدا وێڕای ئاماژەیەکی کورت بە مێژوو و چونییەتی ئاشکرابوونی خەباتی نهێنی کۆمەڵە و یاد و رێزگرتن لە هاوڕێ حەمەحسێنی کەریمی و گشت گیانبەختکردووانی رێگای رزگاری کوردستان، ئێران و گشت زیندانیانی سیاسی، تیشکی خستە سەر بارودۆخی هەنووکەیی و هەستیاری ئێران و رۆژهەڵاتی کوردستانهاوڕی "ئەبووبەکر مودەڕسی" لە وتار و باسەکانی خۆیدا وێڕای ئاماژە کردن بە سیاسەت و هەڵوێستەکانی کۆمەڵە، جەختی لەسەر هاوپەیمانی و یەکدەنگی هێزە سیاسییەکان کرد بۆ بەربەرەکانێ و وەستانەوە لە بەرامبەر کۆماری ئیسلامی ئێران

لە ناوبڕی وتارە سیاسییەکاندا هونەرمەند خاتوو "غەزاڵ رۆژهەڵات" لە تابڵۆیەکی هۆنەریدا سروودی "پێشمەرگە"ی پێشکەش بە ئامادەبووان کرد و دواتر  لە لایەن پێشکەشکاری رێوڕەسمەکە هاوڕێ "هێرۆ نامداری" پەیام و بروسکەی پیرۆزبایی نوێنەرایەتی حکومەتی هەرێمی کوردستان لە سوئێد خوێندرایەوە

لە درێژەی رێوڕەسمەکەدا نوێنەری حیزبی سۆسیال دێمۆکراتی سوئێد و ئەندامی پاڕلمان، بەڕێز "سەرکان کۆسێ " وتارێکی پێشکەش بە ئامادەبووان کرد. ناوبراو لە وتارەکەی خۆیدا ئاماژەی کرد بە گرینگیی یەکگرتوویی هێزەکانی رۆژهەڵات و پێکهێنانی نوێنەرایەتییەکی هاوبەش روو به وڵاتانی دەرەوه. لە درێژەی وتارەکەیدا باسی له رۆڵ و پێگەی کوردەکانی دانیشتووی سوئێد و دەور و نەخشیان لە بەشداریی گۆڕەپانی سیاسیدا کرد

لە درێژەدا پەیامی "کومیتەی هاوکاریی هێزە کورد و کوردستانییەکان لە سوئێد" لە لایەن بەڕێز "کۆبان ئامێدی" پێشکەش بە ئامادەبووان کرا و ناوبراو وێڕای پیرۆزبایی کردنی ٢٦ی رێبەندان و چلەمین ساڵوەگەڕی ئاشکرابوونی خەباتی کۆمەڵە، باسی لە رۆڵ و مێژووی خەباتی کۆمەڵە لە ماوەی چل ساڵی رابردوو لە رۆژهەڵاتی کوردستاندا کرد

بەڕێز "فرێدریک ماڵم" ئەندامی حیزبی لیبڕاڵ و ئەندام پارلەمانی سوئێد یەکێکی دیکە لە وتاربێژانی بەشی یەکەمی رێوڕەسمەکە بووناوبراو لە وتارەکەی خۆیدا وێڕای ئاماژە کردن بە گرینگی هاوکاریی نێوان کۆمەڵە و حیزبە کوردییەکانی رۆژهەڵاتی کوردستان، ئاماژەی بە سیاسەت و هەڵوێستی حیزبی لیبڕاڵی سوئێد لەهەمبەر دانیشتوان و پەنابەران لە سوئێدا کرد

هەر لە درێژەدا وەک نەریتێکی ساڵانە لە رێوڕەسمەکانی رۆژی کۆمەڵە کە لە ژێر ناوی "رێز و پێزانینرێز دەگیردرێت لە خەبات و تێکۆشانی یەکێک لە هەڵسوڕاوانی خۆشناو و سیاسی، رێز گیرا لە خەبات و تێکۆشانی بێ‌وچانی کادر و ئەندامی بە ئەمەکی کۆمەڵە هاوڕێ "ئارام بوداغی". لەم بەشەدا لە لایەن هاوڕێ "ئیبراهیم کۆنەپۆشی" ئەندامی کومیتەی ناوەندیی کۆمەڵە وتارێک لەسەر کەسایەتی و مێژووی خەبات و چالاکی هاوڕێ "ئارام بوداغی" پێشکەش بە ئادەبووان کرا، بە پێدانی تابڵۆی رێز و پێزانین و چەپکە گوڵ، رێزیان لە هەڵسووڕانی بێ‌بڕانەوەی هاوڕێ "ئارام بوداغی" گرت

خاتوو "تارا توانا" ئەندامی ئەنجومەنی هەرێمی ستۆکهۆڵم، جێگری دووهەمی سکرتێری یەکێتی ژنان و ئەندامی حیزبی سۆسیال دێمۆکرات لە ستۆکهۆڵم یەکێکی دیکە لە وتاربێژانی رۆژی کۆمەڵە بوو کە لە درێژەی رێوڕەسمەکەدا وێڕای پیرۆزبایی لە ٢٦ی رێبەندان رۆژی کۆمەڵە، وتارێکی پێشکەش بە ئامادەبووان کردخاتوو "تارا توانا" لە قسەوباسەکانیدا ئاماژەی بە گرینگی خەباتی کۆمەڵە کرد کە وەک پێویستێکی مێژوویی لە رۆژهەڵاتی کوردستاندا رۆڵێکی کاریگەر و مێژوویی هەبووە بە بەرگری کردن لە مافی چینی چەوساوەکان و بزووتنەوەی ژناندا

هەروەها لە لایەن بەڕێز "خالید مێهرفەرد" پەیام و بروسکەی پیرۆزبایی حیزبی دێمۆکراتی کوردستانی ئێران کومیتەی سوئێد بە بۆنەی ٢٦ی رێبەندان و چلەمین ساڵوەگەڕی ئاشکرابوونی خەباتی کۆمەڵە پێشکەش بە ئامادەبووان کرا.  


لە درێژەی وتارەکاندا لە لایەن خاتوو "لەیلا محەممەدی" پەیام و بروسکەی پیرۆزبایی حیزبی دێموکراتی کوردستان کومیتەی سوئێد خوێندرایەوە. ناوبراو لە وتارەکەیدا وێڕای ئاماژە کردن بە پێداویستی و گرینگی هاوکاریی نێوان حیزبە کوردییەکان لە رۆژهەڵاتی کوردستاندا باسی لە بارودۆخی هەستیار و بەڕێوەبوونی گۆڕانکارییەکان لە ئێراندا کرد

لە کۆتایی بەشی یەکەمدا لە لایەن پێشکەشکاری رێوڕەسمەکەدا هاوڕێ "هێرۆ  نامداریجارێکی دیکە وێڕای دەربڕینی سپاس و پێزانین بۆ بەشداریی گشت میوانەکان،  پەیام و بروسکەی پیرۆزبایی حیزب و رێکخراوەکان خوێندرایەوە

شایانی باسە بەدوای کۆتایی هاتنی بەشی یەکەم وێڕای پەزێرایی لە میوانان و  بەشداربووان، بەشی دووهەمی رێوڕەسمەکە بە پێشکەشکردنی تابڵۆی هونەری، موزیک و گۆرانی بە بەشداریی هونەرمەندان "عابید عەزیمی" "شۆڕش مەریوانی" خاتوو "غەزاڵ رۆژهەڵات" و "نامۆ شەرەفیبەڕێوەچوو و  هونەرمەندان ئەم بەشە لە رێوڕەسمەکەیان بە شایی و هەڵپەرکێی بەشدرابووان رازاندەوە

ئەم حزب و رێکخراوانەی که پەیام و برووسکەی پیرۆزباییان لەم رێوڕەسمەدا پێشکەش کرد بەم جۆرە بوون


  • حیزبی سوسیال دێموکراتی سوئێد 
  • حیزب لیبڕالی سوئێد 
  • نوێنەرایەتی حکومەتی هەرێمی کوردستان 
  • کومیتەی هاوکاریی هێزه سیاسییەکانی کورد و کوردستانسوئێد  
  • یەکێتیی نیشتیمانیی کوردستان 
  • پارتی دێموکراتی کوردستان 
  • حیزبی دێموکراتی کوردستانی ئێران 
  • حیزبی دێموکراتی کوردستان 
  • کۆنگرەی نەتەوەکانی ئێرانی فیدڕاڵ 
  • حیزبی مردم بلوچ 
  • پارتی سەربەخۆیی کوردستان 
  • پارتی سوسیالیستی کوردستانباکوور  
  • حیزبی شیوعی کوردستان 
  • پارتی دێموکراتی کوردستانباکوور 
  • پارتی ئازادی کوردستان (پاک
  • کۆمەڵەی پێشمەرگە دێرینەکانی کوردستان 
  • سازمانی دێموکراتیکی یارسان 
  • پارتی ماف و ئازادیباکوور  (HKP)
  • ژنانی سۆسیال دێمۆکراتی سوئید

 


٢٣ی فێورییە ٢٠١٩ی زایینی بەرامبەر بە ٤ی رەشەممەی ١٣٩٧ی هەتاوی

کۆمەڵەی شوڕشگێری زەحمەتکێشانی کوردستانی ئێران- کومیتەی سوئێد

 

 



ئه‌م بابه‌ته 663 جار خوێنراوه‌ته‌وه‌‌

AM:10:33:26/02/2019