لەیلاخ/ چالاکی تەبلیغی بە بۆنەی ٢٦ی ڕێبەندان ڕۆژی کۆمەڵە

تێکۆشەران و ئەندامانی کۆمەڵە لە ناوچەی لەیلاخ لە ژێر ناوی کومیتەی '2ی پووشپەڕ'دا دەستیان دایە چالاکی بەر بڵاوی تەبلێغی بە بۆنەی 26ی ڕێبەندان ساڵڕۆژی خەباتی ئاشکرای کۆمەڵە.

ئەو شوێنانەی چالاکی تێدا کراوە بریتین لە :

گەورە دێ قرۆچیا، خەڵکی تێکۆشەری گەورە دێ قروچیا وەکوو نەریتی هەموو ساڵێک بە شێوازی جۆراو جۆر ساڵیادی حیزبەکەی خۆیانیان بەرز ڕاگرت .

پۆلێک لە لاوانی ئەو ئاوایە بە یادی هاوڕێیانی گیانبەختکردوو 'سەباح' و 'ڕامین حسێن پەناهی'، لە بەرزایەکانی ئاوایەکەدا ئاڵای سووری کۆمەڵەیان هەڵدا.

هەر وەها لە ناوچەی لەیلاخ لە ئاوایەکانی (کەڕەونان، حاجی پەمۆخ، چەخماغەرە، و شاری دێولان لە سەر رێگای هاتوو چۆی ماشینەکان لە سەر تابلۆی ئاوایەکان ئاڵای سووری کۆمەڵەیان هەڵواسی و بەم جۆرە ڕێزیان لە ڕۆژی کۆمەڵە گرت .

تێکۆشەرانی کۆمەڵە لەناوچەی لەیلاخ ئەم ساڵ بە چالاکیتان لە ژێر تونترین کەشی ئەمنیەتیەدا ڕۆژی کۆمەڵە و یادی هاوڕێیانی شەهیدی ناوچەکەیان (ئەشرەف و سەباح و ڕامین حسێن پەناهی و حامید سێف پەناهی و بێهزاد نووری و هەموو شەهیدانی کۆمەڵە لە ناوچەی لەیلاختان بەرز و بەرێز راگرت.


ئه‌م بابه‌ته 684 جار خوێنراوه‌ته‌وه‌‌

PM:08:10:11/02/2019