بڕووسکەی هاوخەمی كۆمیسیۆنی ناوەندی ڕاگەیاندنی كۆمەڵە بە بۆنەی مەرگی میر تەحسین بەگ، میری ئیزدییانی جیهان


ئەمڕۆ  دووشەممە ڕێكەوتی ۲٨ی مانگی یەکی ساڵی ۲۰۱۹ی زایینی  میرتەحسین بەگ، میری ئیزدییەكانی جیهان دوای ماوەیەك بەربەرەكانێ لە گەڵ مەرگ  لە تەمەنی ٨٦ ساڵیدا لە وڵاتی ئاڵمان ماڵئاوایی لە ژیان كرد.


بەم بۆنە خەمناكەوە پرسە و هاوخەمی خۆمان وەك كۆمیسۆنی راگەیاندنی كۆمەڵەی شۆڕشگێڕ ئاراستەی بنەماڵە و دۆستانی بەڕێزی میر تەحسین بەگ، پێڕەوانی ئاینیی ئیزدی جیهان و بە تایبەت كوردستان دەكەین و خۆمان بە بەهاوبەشی خەمیان دەزانین.


میر تەحسین بەگ، لە ساڵی ۱۹۳۳ لە باعەدرێ لەدایك بووە و كوڕی میر سەعید بەگی ئێزدییە و نەوەی عەلی بەگی میری ئێزدییەكانە .

لە ساڵی ۱۹٤٤ەوە میری ئێزیدیەكانە، كە دوای مردنی باوكی لەتەمەنی یانزە ساڵیدا ئەو پۆستەی پێ سپێردرا.


كۆمیسیۆنی ڕاگەیاندنی كۆمەڵەی شۆڕشگێڕی زحمەتكێشانی كوردستانی ئێران

28/01/2019


ئه‌م بابه‌ته 234 جار خوێنراوه‌ته‌وه‌‌

PM:04:21:28/01/2019