نامەی سەرئاوەڵای ناوەندی هاوکاریی بۆ سەرۆكی كۆڕی گشتیی ڕێكخراوی نەتەوە یەكگرتووەكان

نامەی سەرئاوەڵا بۆ سەرۆكی كۆڕی گشتیی ڕێكخراوی نەتەوە یەكگرتووەكان: سنوورێك بۆ پێشێلكاری و یاغیگەرییەكانی ڕێژیمی ئێران دابنێن!

بەڕێز ماریا فێرناندێز، بەرپرسی حەفتاو سێهەمین كۆبوونەوەی كۆڕی گشتیی رێكخراوی نەتەوەیەكگرتووەكان!
لە گەڵ ڕێز و سڵاو،
بە زوویی حەفتاو سێهەمین كۆبوونەوەیكۆڕی گشتییڕێكخراوی نەتەوە یەكگرتووەكان دەست پێدەكات و بە پێی بەرنامەیەك كە دانراوە، بڕیار وایە حەسەنڕووحانی، سەركۆماری ڕێژیمی ئێران، رۆژی چوارشەممە ٢٦ی سێپتەمبەر لەم كۆبوونەوەیەدا قسە بكات.
ئێمە وەك ناوەندی هاوكاریی حیزبەكانی كوردستانی ئێران بە پێویستی دەزانین لێرەدا كار بكرێت و مێكانیزمێكدیاری بكرێ بۆ ئەوەی بەر بە سەرەڕۆییەكانی ڕێژیمی ئێران و پێشێلكاریییەكانی مافی مرۆڤ لە لایەن ئەم دەسەڵاتەوە لە دەرەوەو ناوەوەی ئێرانبگیرێت. چاوەڕوانیی ئەوە دەكرێت ئەمكۆبوونەوەیە ، ڕووحانی و دەسەڵاتەكەی بەرامبەر بە پێشێلكاریی مافی مرۆڤ لە ناوەوەو یاغیگەرییەكانی لە دەرەوەی وڵات،بە بەرپرس بزانێت.
رووحانی وەك سەرۆك كۆماریڕێژیمی ئیسلامییئێران لە حاڵێكدالەم دانیشتنەدا وتار دەدات كە ئەمڕێژیمە سەرچاوەی قەیرانی جۆراوجۆر لە نیوخۆی وڵات و هۆكاری پێشێلكردنی مافی مرۆڤ لە هەموو بوارەكان بە تایبەتی لەهەردوو بواری ژیانی سیاسی و ئابووریی خه لكو، هەر لەو كاتەش دا هۆكاری بشێوی و نائارامیلە ناوچەكە دایە. ئێعدام وەك سزایەكییاسایی لە ئێران بەردەوام جێبەجێ دەكرێت و ئێعدامی سیاسی وجیاوازیدانانی نەتەوەییبەرامبەر نەتەوەكانی كورد،عەرەب، بەلووچ و ئازەری و، هه روه ها كوشتنیجیاوازبیران بە شێوەی سیستماتیك لەم وڵاتە خراپتر لە پێشوو بەڕێوە دەچێت. ئەمەش لە حاڵێك دایە كە ئێران وڵاتێكی فرەنەتەوەیە و پێویستە مافی هەموو نەتەوەكان وەك یەك بپارێزرێت.
لە ساڵی ٢٠١٣ بە دواوەو دوای هەڵبژێرانی رووحانی بە سەرۆك كۆمار، شەپۆلی ئیعدامەكان ٥١ ٪ زیادی كردوە. هەروەها گوشاری گەورە لە سەر چالاكانی كۆمەڵایەتی و سیاسی و ژینگەپارێزی لە ئێران و كوردستان هەیە. هەر لە ئەساس دا ئەم دەسەڵاتە چ بە گوێرەی یاساكانی و هەر وەها بە پێی داڕشتە و پێكهاتەكەی، سروشتێكی دژ بە مافی مرۆڤی هەیە. هەروەها سەرنجتان بۆ ئەوەرادەكێشین كە لە ساڵی ٢٠١٧دا بە پێی ئامارەكان، ٨٦ كۆڵبەر لە سنوورەكان بە تەقەی راستەوخۆی هێزەچەكدارەكانی ئێران كوژراون. لە ٦ مانگییەكەمی سالی ٢٠١٨یشدا ١٠٤ كۆڵبەر لە سنوورەكانبە هۆی تەقەی راستەوخۆی هێزە سەربازییەكانی كۆماری ئیسلامییەوە گیانیان لە دەستداوە. هەڵاواردنی نەتەوەیی و ئایینی سیستماتیك كە ئەو ڕێژیمە بەڕێوەی دەبا، تەنانەت خەڵكی بوومەلەرزەلێدراوی پارێزگەی كرماشانیشی گرتووەتەوە و بووە بە هۆی ئەوە دەسەلاتداران و دامو دەزگا حكوومەتیەكان، لە ماوەی یەك ساڵی رابردوو دا، ئەو پەڕی كەمتەرخەمی لە پێڕاگەیشتنی خەڵكی بوومەلەرزەلێدراو دا لە خۆیان نیشان بدەن.
لە ماوەی پێنج ساڵ سەرۆك كۆماریی رووحانی‌دا خەڵكی ئیرانبەرەوڕووی كێشەی قووڵی كۆمەڵایەتی و ئابووری بوونەتەوە. دەسەڵاتلێبڕاوە بەردەوام بێت لە سەر گوشار خستنەسەر شارۆمەندانی ئێران،چالاكانی بواری مافی مرۆڤ،یاساناسان و پارێزەران، مامۆستایان، كرێكاران،چالاكانی ژینگەپارێزی، رووناكبیران، رۆژنامە نووسان و هەموو ئەوانەی بوێریی ئەوەیان هەیە رەوایی و مەشرووعیەتی ئەم دەسەڵاتە ببەنە ژێر پرسیارەوە. چالاكانیبواری ژنان بەردەوام لە ژێر هێرش و گوشاری ئەم دەسەڵاتەدان و بە شێوەیەكینایاسایی دەستگیر و زیندانی دەكرێن و لە راستییدا جیاوازیی و هەڵاواردنێكی زۆری جنسییەتی بە پێییاسا ئێسلامییەكانلە ئێران هەیە.
دەوڵەتەیەك لە دواییەكەكان لە ڕێژیمی كۆماری ئیسلامی دا و یەك لەوان دەوڵەتی ڕۆحانی دەوری بەرچاویان گێڕاوە لە پێشێلكردنی مافی مرۆڤ و سەركوتكردنی خەڵك دا و، بە توندی رووبەڕووی هەر چەشنە جووڵە و ناڕەزایەتیدەربڕینێكی هێمنانەش دەبنەوە.
رۆژی ١٢ی سێپتەمبەری ٢٠١٨ مانگرتنێكی بەرفراوان زۆربەی زۆری شارە كوردییەكانی كوردستانیئێرانی گرتەوە. ئەم مانگرتنە سەرانسەرییە،ناڕەزایەتیدەربڕینێكی گشتی بوو بەرامبەر ئیعدامی سێ لاوی كورد و هەروەها مووشەكبارانی بنكەكانی حیزبی دیمۆكرات لە شاری كۆیە له باشووری كوردستان كە بە هۆیەوە ١٦ كەس گیانیان لە دەستدا و ٤٠ كەس بریندار بوون.دوا بە دوای مانگرتنەگشتییە،١٢ كەس لە چالاكانی مەدەنی و كەلتووری لە شارەكانی كوردستان دەستگیر كراون و تا ئێستە لە زیندانەكانی رێژیمدان و بێ سەرو شوێنن. ئەمەش لەدرێژەی كردەوەی تیرۆریستی و خراپكارانەی سوپای پاسداران و وەزارەتی ئیتلاعاتی ئەو ڕێژیمە لە هەرێمی كوردستانی عێراق و دەرەوەی ولات بە دژی هیزەكانی ئوپوزیسیۆنی كورد و ئێرانی دایە.
مەبەست لە نووسینی ئەم نامەیە ئەوەیەوەبیر بەڕێزتان و سەرجەم ئەندامانی كۆڕی گشتیی نەتەوە یەكگرتووەكان بێنینەوە كە ڕێژیمی كۆماری ئیسلامیی ئێران و دەولەتی حەسەن رووحانی پێشێلكاری سەرەكیی مافی مرۆڤ لە ئیران و هۆكاری نائارامی وناسەقامگیری لە ناوچەكە دان. حەسەنڕووحانی وەك سەرۆك كۆماری ئێران لە حاڵێكدا دەیهەوێت باس لە مافی مرۆڤ و پێشێلكاریی مافی مرۆڤ لە ولاتانی دیكە بكات كە دەسەڵاتەكەی خۆیگەورەترین پێشێلكاری مافی مرۆڤە و خەڵكی ئێران و كوردستان لە زیندانێكی گەورەدان كە لە لایەن ئەم حكوومەتەوە بۆیان دروستكراوە.
ئێمە وەك ناوەندی هاوكاریی حیزبەكانی كوردستانی ئێران، ئامادەبوون و بەشداریی حەسەن رووحانی لەحەفتاو سێهەمین كۆبوونەوەیكۆڕی گشتی رێكخراوی نەتەوەیەكگرتووەكان و قسە كردنی بە ناوی خەڵكی ئێرانەوە، بە بێڕێزی بە پێكهاتەكانی خەڵكی ئێران دەزانین و مەحكوومی دەكەین. ئێمە بە تەواوی لە سەر ئەو باوەڕەین كە كۆماری ئیسلامی پێشێلكاریبنەرەتیی مافی مرۆڤ لە ئێران و هۆكاری سەرەكیی ناسەقامگیری لە رۆژهەڵاتی ناوەڕاستە. چاوەروانی و داوای ئێمە لە بەڕێزتان و كۆڕی گشتیی ڕێكخراوی نەتەوە یەكگرتووەكان ئەوەیە پشتیوانی خەڵكی ئازادیخوازی كوردستان و گەلانی وەزالەهاتووی ئێران بن و سنوورێك بۆ پێشێلكاری و یاغیگەرییەكانی ئەو ڕێژیمە دابنێن.

ناوەندی هاوكاری حیزبەكانی كوردستانی ئێران بریتین لە:
-كۆمەڵەی شۆرشگێری زەحمەتكێشانی كوردستانی ئێران
-حیزبی دیمۆكراتی كوردستانی ئێران
-حیزبی دیمۆكراتی كوردستان
-كۆمەڵەی زەحمەتكێشانی كوردستان
-سازمانی خەباتی كوردستانی ئێران

ئه‌م بابه‌ته 377 جار خوێنراوه‌ته‌وه‌‌

PM:08:22:27/09/2018