سمیناری "كورد قوربانی تیرۆریزم" لە شاری هێلسینكی پێتەختی فینلاند بەڕێوەچوو

ڕۆژی شەممە ١٥ .٩ .٢٠١٨ بە بشداری ژمارەیەكی زۆر لە كوردستانیان دانیشتووی وەڵاتی فینلاند سمینارێك لە ژێر ناوی كورد قوربانی تیرۆریزم بەڕێیەوە چوو. لەو سمینارەدا ژمارەیەك لە چالاكانی سیاسی ئێرانیش بەشداریان كرد. ئەم سمینارە بەبۆنەی ٢٦ مین ساڵۆگەری تیرۆری میكونوس واتە تیرۆری دكتۆر سادق شەرەفكەندی و هاورێیانی و هەروەها  بۆ ڕێزگرتن لە یادی شەهیدانی ١٧ گەلاوێژ ڕامین حسین پەناهی، زانیار و لوقمان مرادی  و شەهیدەكانی كۆیە لە باشوری كوردستان بەڕێوە چوو. ئەم سمینارە ، كە لە لایەن ناوەندی هاوكاری حیزبەكانی كوردستانی ڕۆژهەڵاتەوە ڕێكخرابوو سەرەتا بە سروودی ئەیڕەقب و خولەكێك بێدەنگی بۆ یادی شەهیدان دەستی پێكرد.
سمینارەكە لە لایەن فایەق مەسعودی بە نوێنەرایەتی ناوەندی هاوكاری حیزبە سیاسیەكانی كوردستانەوە بە ئاماژەیەكی كورت لە تیرۆریزمی بەربڵاوی كۆماری ئیسلامی ئیران دژ بە ئۆپزیسیونی رژیم بە گشتی و بەتایبەتیتر دژ بە خەڵكی كوردستان و حیزبەكانی و سەركەردە  بەتواناكانی بزوتنەوەی رزگارخوازانەی كوردستان كرایەوە.
بەدوای ئەوەدا پەیامی ناوەندی هاوكاری حیزبە سیاسییەكانی كوردستانی ئێران لە لایەن خەلیل عەلیزادە پیشكەش كرا. پاشان پەیامی لیژنەی رێكخراوی فینلاندی پارت دێموكراتی كوردستان لە لایەن بەرێز حاكم عوسمانەوە پێشكەس كرا. شایەنی باسە ئەم كۆرەیادە بە شێعر، پەخشان و سروودی شٶڕشگێڕانە لە لایەن بەڕێز عەبدووڵا حاجی و هونەرمەندی كورد كاك ڕەشید فەیزنژادەوە ڕازاندرایەوە.
لە بەشی دووهەمی سمینارەكەدا بەڕێز مەجید حەقی چالاكی سیاسی وتارێكی لە ژیر ناوی ستراتێژی تیرۆریزم لە كۆماری ئیسلامی ئێران تیرۆری میكونوس و شوێنەواری لە سەر پەیوەندیەكانی ناونەتەوەیی بۆ پرسی كورد پێشكەش كرد. لە دریژەی سمینارەكەدا  بەڕێز دكتۆر جەواد دانشپەژووی نووسەری "كتیبی كشتار بی پایان" وێڕای ناساندنی كتێبەكەی بە بەشدار بووان ئامارەكانی تیرۆر و ئیعدامەكان، كە ڕژیمی كۆماری ئیسلامی ئێران لە ماوەی ٤٠ ساڵی ڕابردوو لە كوردستانی ڕۆژهەڵاتدا  ئەنجامی داوە پیشانی بەشداربوونی دا.
بەدووای ئەوەدا بەرێز جەعفەر مۆستەفا سۆلتانی چالاكی سیاسی وتارێكی لە ژیر سەردێڕی تۆڕە نفوزییەكانی ڕژیم و ناردنی عەواملی خۆی بۆ ناو حیزبەكان پیشكەش بە  ئامادەبووان كرد. لە كۆتایی سمینارەكەدا لە پانیلێكدا پێشكەشكارانی باسەكان  وەڵامی پرسیار و تێبینییەكانی بەشدار بووانیان دایەوە.
شایەنی باسە ئەم سمینارە لە كەشێكی هاوكاری و یەكگرتووانە  و دۆستانەدا سەركەوتووانە كۆتایی هات و بوو بە جێگەی رەزامەندی بەشدار بووان. سوپاسی فەراوان  ئاراستەی هەموو بەشداربووانی سمینارەكە و پیشكەشكارانی قسە و باسەكان دەكەین.

كۆمەڵەی شٶڕشگێڕی زەحمەتكێشانی كوردستانی ئێران / كۆمیتەی فینلاند

ئه‌م بابه‌ته 530 جار خوێنراوه‌ته‌وه‌‌

PM:10:20:16/09/2018