بەشداریی هەیئەتی كۆمەڵەی شۆڕشگێڕ لە كۆنفڕانسی شوڕای ئینترناسیۆناڵ سۆسیالیست

ڕۆژی سێشەممە ٢٦ی جونی ٢٠١٨ (٥ی پووشپەڕی ٢٧١٨) لە بنكەی سەرەكیی ڕێكخراوی نەتەوەیەكگرتوەكان لە ژنێڤ، هەیئەتی كۆمەڵەی شۆڕشگێڕێ زەحمەتكێشانی كوردستانی ئێران پێكهاتوو لە هاوڕێیان ئەمجەد حسێن پەناهی و فازڵ وەلیان بەشداری كۆبوونەوەی ئەنجۆمەنی ئەنترناسیۆناڵ سۆسیالیست بوون.
كۆنفڕانس سەرەتا بە ڕاپۆرتێك لە لایەن بەڕێز لوییس ئایالا سكرتێری گشتیی ئەنترناسیوناڵ سۆسیالیست دەستی پێ كرد.
باسەكانی بەڕێز ئایالا زۆرتر لە سەر ڕۆڵی سۆسیالیست ئەنترناسیۆناڵ لە كۆتاییهێنان بە شەڕ و هەروەها هەوڵەكانی ئای.ئێس بۆ ئاشتی و ئاسایشی نێونەتەوەیی و دیمۆكڕاسی بوو.
دواتر بەڕێز مایكل موولەر بەڕێوەبەری گشتیی نەتەوە یەكگرتوەكان لە ژنێڤ، باسی هەوڵدانی لاوازكردنی ناسیونالیستەكانی كرد لە بەرامبەریشدا؛ بەهێزكردنی سۆسیالیستی جیهانیی.
بەڕێز جۆرج پاپاندرێئۆف وتاربێژی دیكە بوو كە وەكوو سەرۆكی ئەنترناسیوناڵ سۆسیالیست باسەكەی لە سەر"دەوری سۆسیالیست ئەنترناسیوناڵ لە كۆتاییهێنان بە شەڕ وهەوڵەكانی لە پێناو ئاشتی و ئاسایشی نێونەتەوەیی و دیمۆكراسی و زاڵبوون بە سەر ئاستەنگە جیهانییەكانی بەردەم دیمۆكراسی، ئازادی و ماف بۆ هەموان". هەروەها ئاماژەی بەپێویستیی پێشگرتن لە بەهێزبوونەوەی فاشیزم و ڕەگەزپەرستی و پاراستنی بەهاكانی دیمۆكراسی و مرۆڤایەتی كرد. لە بەشێكی تری قسەكانیدا چوە سەر پێویستیی "ڕووبەڕووبوونەوە لەگەڵ دیاردەی كۆچی كۆڕەو و هەلوومەرجی نالەباری پەنابەران لە سەر بنەما و پرنسیپەكانی ئەنترناسیۆناڵ سۆسیالیست".
جێگای ئاماژەیە كە بەڵگەنامەكانی پێوەندیدار بە پێشێلكاریی مافی مرۆڤ، هەر وەها بەیاننامە و ڕاگەیێندراوەكانی "ناوەندی هاوكاریی حیزبەكانی كوردستانی ئێران" لە پێوەندی لەگەڵ تیرۆری قادر قادری و تیرۆرەكانی دیكەی كۆماری ئیسلامی لە یەك ساڵی ڕابردوودا، وێڕای لیست و دیكۆمێنتی پێوەندیدار بە زیندانیانی سیاسیی لەوانە، ڕامین حوسێن پەناهی، لە سەر ستاندی (S.I)، خرایە بەر دەستی بەشداربوان.

ڕۆژی ٢٧ی ژوەنی ٢٠١٨ دووهەم ڕۆژی كۆنفڕانس، نوێنەرانی حیزبە بەشداربوەكانی كوردستان ( كۆمەڵەی شۆڕشگێڕی زەحمەتكێشانی كوردستانی ئێران، حیزبی دێموكراتی كوردستانی ئێران، كۆمەڵەی زەحمەتكێشانی كوردستان، حیزبی دێموكراتی كوردستان) لە سەر  پرسی كورد، باس و لێدوانیان ئەنجامدا. یەك لەو بابەتانە داوای چالاككردنەوەی "كۆمیتەی پرسی كورد" بوو.
هەموو لایەنە كوردییە بەشداربوەكانی بەشداربوو، لە دانیشتنی خۆیاندا پێداگرییان لە سەر داوای چالاكبوونەوەی ئەو كۆمیتەیە كرد و بڕیاریان دا كە ئەم داواكارییە یەكگرتوانە و بە هاودەنگی بخەنە بەر چاوی سەرۆك و سكرتێری (SI واتا ئەنترناسیۆناڵ سۆسیالیست). هەروەها ڕا و سەرنجی لایەنەكان لە بارەی پێشنووسی بڕیارنامەی كۆنفڕانسی ئەمجارەی شوڕا لە پێوەندی لە گەڵ پرسی كورد لە بەشە جۆراوجۆرەكانی كوردستاندا وەرگیرا و دەقەكەی پێ دەوڵەمەندتر كرا.
هەروەها هەیئەتەكانی چوار لایەنی  ڕۆژهەڵاتی كوردستان بەشدار لەم كۆبوونەوەیە بە هاوبەشی و بە ناوی هەر چوار لایەنەوە پێشنووسی دەقێكیان بۆ پەسندكردن لە لایەن كۆبوونەوەی شوڕای (SI) ئامادە كرد كە تێیدا پشتیوانی ئەنترناسیۆناڵ سۆسیالیست لە كەمپەین و چالاكییەكان بە مەبەستی ڕاگرتن و هەڵوەشانەوەی حوكمی ئێعدامی لاوی بەندكراوی كورد ڕامین حوسێن پەناهیی تێدا هاتبوو.

هەر وەها لە پەراوێزی كۆبوونەوەكاندا لە لایەن هەموو حیزبە كوردستانییەكانەوە كۆبوونەوەیێك ڕێك خرا و لەو نێوانەدا هەموو تێكڕا  ڕێككەوتن كە داخوازییەك پێشكەشی كۆنفرانس بكەن بۆ چالاككردنەوەی كۆمیتەی پرسی كورد لە كوردستانی باشوور.
لە دانیشتنەكانی دووهەم ڕۆژی كۆبوونەوەی(SI) دا، چەند تەوەر و بابەتی گرنگ خرانە ڕوو. یەك لەوان راپۆرتی كاروباریی دارایی و هەقی ئەندامێتیی ئەندامان وەك سەرچاوەیێكی سەرەكیی داهاتی ئەو ڕێكخراوە نێودەوڵەتییە كرا.

لە درێژەی كاروباری ڕۆژی دووهەم دا، كۆچكردن و پەنابەری وەك كێشە و دیاردەیەكی گرنگی دنیای ئەمڕۆ، هاتە بەرباس. زۆر لە حیزب و ڕێكخراوەكانی ئەندامی ئەنترناسیۆناڵ لە بەشە جۆراوجۆرەكانی جیهان ڕا و بۆچوونی خۆیان و هەر وەها پێشنیاری خۆیان بۆ ڕووبەڕووبوونەوە لە گەڵ ئەو دیاردەیە، خستە ڕوو كە باشكردنی هەلومەرجی سیاسی و ئابووریی وڵاتان و گرنگیدان بە ماف و ئازادییەكان، ئاسایش و خۆشبژێویی هەر وڵاتێك و ڕۆڵی ناوەندە نێودەوڵەتییەكان لەو ڕاستایەدا لە نێوەرۆكی باسەكانیاندا سەرنجی ڕادەكیشا.
لە دوابەشی كاری ڕۆژی دووهەم دا چەندین بڕیارنامە و ڕاسپاردە لە بارەی پرس و بابەتە گرنگەكانی ناوچە جۆراوجۆرەكانی جیهان كە پێشتر دەقەكانیان وەك پێشنووس خرابوە بەر دەستی هەیئەتەبەشداربوەكان لە كۆبوونەوەی ئەنجومەنی ئەنترناسیۆناڵسۆسیالیست، خرانە بەر دەنگی بەشداربوان و پەسند كران. یەكێك لە بڕیارنامەكان لە بارەی پرسی كورد لە ئێران، عێراق، توركیە وسووریە بوو كە تێیدا ئەنترناسیۆناڵ سۆسیالیست وێڕای ئاماژە بەنوێترین ڕووداو و ئاڵوگۆڕەكان لە هەر كام لەو بەشانەی كوردستان، پشتیوانیی خۆی لە خەباتی كوردەكان بۆ مافە ڕەواكانیان دووپات كردەوە. هەر لەو بەشەشدا سكرتێری گشتیی ئەنترناسیۆناڵ سۆسیالیست بەڕێز لوییس ئایالا، داواكاریی چوار حیزبی كوردستانی ئێران لە بارەی پشتیوانیی ئەنترناسیۆناڵ سۆسیالیست لە هەڵوەشانەوەی حوكمی ئێعدامی ڕامین حوسێن پەناهیی خستە بەر سەرنجی ئامادەبوان كە لە گەڵ پێشوازیی بەشداربوانی كۆبوونەوە بەرەو ڕوو بوو.
جێگەی باسە، هەر لە درێژەی ئەم كۆنگرەیەدا و لە پەراوێزی دانیشتنەكاندا هەیئەتی كۆمەڵە چەندین دیدار و چاوپێكەوتنیان ڕێك خست، هەیئەتی كۆمەڵە دانیشتنێكیان لەگەڵ بەڕێز لوییس ئایالا ڕێك خست و لەو چاوپێكەوتنەدا باسی كۆمەڵە و هەروەها دۆخی ڕامین حوسێن پەناهییان كرد و بە خۆشحاڵییەوە ئەویش بەوپەڕی هەست و نیگەرانییەوە پێشوازیی لەو بابەتە كرد و بەڵێنی بەرزكردنەوەی دەنگی ڕامینی دا و هیوای هەرچی زووتر لابردنی سزای ئیعدامی ڕامینی خواست. هەروەه

ئه‌م بابه‌ته 430 جار خوێنراوه‌ته‌وه‌‌

PM:11:00:02/07/2018