کۆڕێک بۆ هاوڕێ عەبدوڵڵا موهتەدی لە تینک تانکی گرنگی "هادسۆن ئەنستیتۆ" لە واشنگتۆن دی سی

رۆژی سێشەمە رێکەوتی ١٢ی جونی ٢٠١٨ بە بەشداریی چەندین کەسایەتی ناسراوی لێکۆلەر و پسپۆری سیاسەتی ئەمریکا لە رۆژهەڵاتی ناوەراست لە تینک تانکی گرنگی "هادسۆن ئەنستیتۆ" لە واشنگتۆن دی سی کۆرێک بۆ هاورێ عەبدوللا موهتدی سکرتێری گشتی کۆمەڵەی شؤرشگیری زەحمەتکێشانی کوردستانی ئێران و کاک مستەفا هیجری لێپرسراوی گشتی حیزبی دیموکراتی کوردستانی ئێران بەرێوەچوو.
سکرتێری گشتی کۆمەڵەی شۆرشگێر لە قسە و باسێکدا لە دوای روونکردنەوەیەک لە  بارەی پێشینەی خەبات و بەربەرەکانی کۆمەڵانی خەلکی کوردستانی رۆژهەڵات لە دژی سیاسەتە سەرکوتگەر و دژە مرۆڤییەکانی کۆماری ئیسلامی ئێران، ئەمجارە لایەنە گرنگ و جیاوازەکانی خۆپێشاندانەکانی چەند مانگی رابردووی زیاتر لە ٨٠ شاری ئێران و لە ناویاندا تاێبەتمەندییەکانی شارە کوردییەکانی لەو راپەرێنە بۆ ئامادەبووان شیکردووە. 
لە دوای هەڵسەنگاندنی ئەو راپەرێنە جەماوەرییە لەگەڵ هەموو نارەزایەتییەکانی رابردوو لە ئێران،  بە لە بەرچاوگرتنی بارودۆخی تایبەت و ئەزموونی خەباتکارانەی کوردستانی رۆژهەڵات لە ماوەی ٤ دەیەی رابردوو، ئاماژەی بە دەوری کاریگەر و گرنگی کورد لە بەرپابوونی هەر شۆرشێکی جەماوەری لە سەر ئاستی گشتی ئێران کرد.
وەک تەوەرەکانی دیکەی ئەو دیدارە باس لە کارگەرییەکانی دەرچوونی ئەمریکا لە رێکەوتنی ئەتۆمی لەگەڵ ئێران بە سەر بارودۆخی سیاسی ناوچەکە بە گشتی و لە سەر پرسی کورد بە تایبەتی کرا، هەروەها دەوری وڵاتانی هەرێمی لە ئەگەری بەردەوامبوونی سیاسەتە شەرانگێزەکانی کۆماری ئیسلامی ئێران لە ناوچەکە شرۆڤە و هەڵسەنگاندنی بۆ کرا.

لە کۆتاییدا له لایەن ئەو لێکۆلەر و پسپۆرانەی سیاسەتی ئەمریکا لە رۆژهەڵاتی ناوەراست کە هەموویان بەرپرسانی گرنگی ئەنستیتۆی هادسۆن و چەند تینک تانکی دیکەی واشنینگتۆن بوون چەندین پرسیاری گرنگی  و تیبینی لە بارەی باسەکە خرایەڕوو.

ئه‌م بابه‌ته 184 جار خوێنراوه‌ته‌وه‌‌

PM:08:47:16/06/2018