بەڕێوەچوونی ڕێوڕەسمی ‌‌۲٦ی ڕێبەندان، رۆژی كۆمەڵە لە شاری تۆرەنتۆی كانادا

ئێوارەی ڕۆژی شەممە ڕێكەوتی ١٧ی فێبریەی ۲۰۱۸ بەرانبەر ۲۹ی ڕێبەندانی ۱۳۹٦ هەتاویی، تەشكیلاتی كۆمەڵە لە وڵاتی كانادا، ڕێوڕەسمێكی بەشكۆی بە بەشداری ژمارەیەكی زۆری جەماوەری كوردستانیانی دانیشتووی تۆرەنتۆ و شاڕەكانی دەوروبەری، ئەندامان و لایەنگرانی كومەڵە، كۆمەڵێكی بەرچاو لە نوێنەری حیزب و ڕێكخراوە سیاسییەكانی كوردستان و پارلەمانتارانی كانادا بەرێوە بڕد.
سەرەتا هاوڕێ پەرویز رەشیدی وەك بەڕێوەبەری بەرنامە بەخێرهاتنی ئامادەبووانی كرد و پاش ڕاگەیاندنی ڕیزی بەرنامەكان، ڕێوڕەسمەكە، بە سروودی بانگەواز، سروودی رەسمی كۆمەڵە و پاشانی بە سروودی میللی كانادا دەستی پێكرد. پاشان هاوڕێ هێرۆ موهتەدی بە زمانی ئینگلیزی، وێرای بەخێرهاتنی میوانەكان، كورتەیەك لە مێژووی كۆمەڵەی بۆ بەشداربووان باسكرد. دواتر هاوڕێ دڵشاد خزری ئەندامی كۆمیتەی دەرەوەی وڵات، پەیامی كۆمیتەی ناوەندی كۆمەڵەی بە بۆنەی ڕۆژی كۆمەڵەوە، پێشكەش كڕد. نوێنەرانی حیزبی دیمۆكراتی كوردستانی ئێران، پارتی دیمۆكراتی كوڕدستان، یەكیەتی نیشتمانی كوردستان، ماڵی كورد لە كانادا، پەیامی پیرۆزباییان بەو بۆنەوە پێشكەش كرد.
پاشان بەڕێز تام كمیج، ئەندامی پارلەمانی كاناداو دۆستی كورد، بەڕێز جیم كێریگنێز، سەرۆكی شاراوەنی شاری تۆرەنتۆ، ئاغای رەزا مووریدی، وەزیری پیشەسازی هەرێمی ئەنتاریۆ، پەیامی خۆیان پێشكەش بە ئامادەبووان كرد.  هاوكات لەگەڵ پێشكەش كردنی پەیامەكانی ئەو بەرێزانە، بۆ رێز گرتن لە هەوڵ و تێكۆشانیان لە پارلەمانی كانەدا لە هەمبەر كێشەی كورد، نووسراوەی سوپاس و پێزانینی تایبەتی، هاوڕێ عەبدوڵڵا موهتەدی، سكرتێری گشتی كۆمەڵەیان، پێشكەش كرا.


بەشی دووهەمی بەرنامە بە بەشداڕی هونەرمەندان سامان عومەر، شەهرووز، گەلاوێژ و تەمەن تا كات ژمێر یەكی شەو درێژەی هەبوو.  لە كۆتایی  رێوڕەسمەكەدا ۱٥ كەس لەهونەرمەندان و كەسایەتیە سەربەخۆكان لە لایەن كۆمیتەی كاناداوە ڕێزیان لێگیرا و نووسراوەی سوپاس و پێزانینیان، پێ بەخشرا.

كۆمەڵەی شۆڕشگێڕی زەحمەتكێشانی كوردستانی ئێران ـ كۆمیتەی كانادا
٢٤ی فێبرییەی ٢٠١٨

ئه‌م بابه‌ته 426 جار خوێنراوه‌ته‌وه‌‌

PM:07:02:05/03/2018