ڕۆژی کۆمەڵە لە وڵاتی دانمارک بەرز ڕاگیرا

دوانیوەڕۆی رۆژی شەممه، رێكەوتی ١٧ی فێبریواری ٢٠١٧ له لایەن كومیتەی دانماركی كۆمەڵەی شۆڕشگێڕی زەحمەتكێشانی كوردستانی ئێرانەوه به بۆنه ٣٩هەمین ساڵوەگەڕی ئاشكرابوونی خەباتی نهێنی كۆمەڵه سمینارێک بۆ هەر یەک له بەڕێزان ئومید ئەحمەد زاده، ئەندامی جێگری كومیتەی ناوەندی كۆمەڵه و ئومید تاهێری ئەندامی كۆمه ڵه گیرا.
سەرەتای سمینارەكه به سروودی بانگەواز، سروودی ڕەسمی كۆمەڵه و ساتێک بێدەنگی بۆ بەرز ڕاگرتنی یادی هاوڕێی گیانبەختكردوو کاک حەمه حسێن كەریمی و سەرجەم گیانبەختكردووانی رێگای ئازادی و بەرابەری دەستی پێكرد.
پاشان پەیامی هاوڕێ عەبدوڵڵا موهتەدی، سكرتێری گشتیی كۆمەڵه به بۆنەی ٢٦ی ڕێبەندان، رۆژی كۆمەڵه له رێگای ڤیدیۆوە پێشكەش كرا.
دواتر له لایەن هاوڕێ ئومید ئەحمەد زاده، ئه ندامی جێگری كومیتەی ناوەندی كۆمەڵه پەیامی كومیتەی ناوەندی خوێنرایەوه.
سمینارەكه به خوێندنەوەی برووسكەی پیرۆزبایی له لایەن نوێنەرانی حیزب و لایەنەكان و هەروەها نوێنەری كومیتەی دانمارک هاوڕێ ڕزگار سلێمانی درێژەی به كارەكانی خۆیدا.
پاشان لە لایەن کومیتەی دەرەوەی وڵاتەوە سێ چەپکەگوڵ پێشکەشی سێ هاوڕێی دێرین (مریەم چەمەنی، چیمەن هیممەتی و حسێن عەلیزادە)کرا بۆ ڕێزگرتن لە خەبات و تێکۆشانیان لە ناو ڕیزەکانی کۆمەڵەدا.
دواتر له لایەن هاوڕێیان ئومیدی ئەحمەد زاده و ئومیدی تاهێری له دوو تەوەری جیاوازدا باسەكان پێشكه ش كرا و كۆتایی به سمینارەكه هات.
ئەو پەیام و برووسکە پیرۆزباییانەی کە بە دەستی کومیتەی دانمارک گەیشتوون بریتین لە:
یەكێتی نیشتمانی كوردستان
پارتی دێموكراتی كوردستان
حیزبی دێموكراتی كوردستانی ئێران
حیزبی دێموكراتی كوردستان

کۆمەڵەی شۆڕشگێڕی زەحمەتکێشانی کوردستانی ئێران
کومیتەی دانمارک
١٧ی فێبریواری ٢٠١٨
٢٨ی ڕێبەندانی ١٣٩٦

ئه‌م بابه‌ته 1039 جار خوێنراوه‌ته‌وه‌‌

PM:11:18:18/02/2018