كۆمەڵەی شۆڕشگێڕ لە هۆڵەند كۆمیتەی نوێی خۆی دیاری كرد

ڕۆژی یەكشەممە ڕێكەوتی ٢٦ی نوامبری ٢٠١٧ بە بەشداریی كۆمیتەی دەرەوەی وڵات ڕێكخراوی كۆمەڵەی شۆڕشگێڕ لە هۆڵەند لە بنكەی پەیوەندییە نێونەتەوەییەكان لە شاری دەنهاخ كۆبوونەوەی ساڵانەی ئەنجامدا و كۆمیتەی نوێی خۆی دیاری كرد.
پاش ڕاپۆرتێك لەكار و چالاكییەكانی كۆمیتەی پێشوی هۆڵەند وە هەروەها هەڵسەنگاندنی خاڵە لاواز و بەهێزكان، چەندین پێشنیار لەلایەن ئەندامانەوە بۆ بەهێزتركردن و هەڵسووڕاوتر كردنی كۆمیتەی نوێ خرانە بەر باس و گفتوگۆ.
هاوڕێ ئومید ئەحمەدزادە ئەندامی كۆمیتەی ناوەندی و دەرەوە، پاش باسێك لە سەر دۆخی ئێستای ناوچەكە و ئێران، ڕاپۆرتی كۆمیتەی دەرەوەی لە سەر شێوازی نویی هەڵسوڕان و یاسای نوێ لە سەر  ئەركی ئەندامان لە دەرەوەی وڵات، بۆ بەشداربوانی كۆبوونەوەكە باس كرد.
لە كۆبوونەوەدا پرسیارگەلێك لە سەر سیاسەتەكانی كۆمەڵە هاتنە ئاراوە كە لەلایەن هاوڕێ ئومید بۆ ئەندامان شی كرانەوە.
لە كۆتاییدا پاش باس و لێدوان لە سەر شێوەی تازەی كار كردن لە دەرەوەی وڵات، كۆمیتەی نوێی كۆمەڵە بۆ وڵاتی هۆڵەند بە شێوەی دەنگدان دیاری كرا.
هاوڕێیان عەلی ئەمینزادە، كوروش وەرزەندەگان و ئەحمەد ڕەنجبەر وەك كۆمیتەی نوێی كۆمەڵە بۆ دەورەی داهاتوو هەڵبژێردران.

كۆمەڵەی شۆڕشگێڕی زەحمەتكێشانی كوردستانی ئێران
كۆمیتەی هۆڵەند
26ی نوامبری ٢٠١٧

ئه‌م بابه‌ته 932 جار خوێنراوه‌ته‌وه‌‌

PM:01:11:27/11/2017