وەفدێکی کۆمەڵە لە ٧١ەمین ساڵیادی دامەزراندنی پارتی دیموكراتی كوردستان لە نۆروێژ بەشداری کرد

ڕۆژی شەممە، ڕێكەوتی ٢ی٩ی ٢٠١٧ی زایینی، لە لایەن ڕێكخراوی ئۆسلۆی پارتی دیموكراتی كوردستان ڕێوڕەسمێك بە بۆنەی ٧١ەمین ساڵیادی دامەزراندنی پارتی دیموكراتی كوردستان و هەروەها پشتیوانی لە پرسی ڕێفراندۆم لە كوردستانی باشوور لە شارۆچكەی شەسمۆ بەڕێوەچوو.

بۆ ئەو ڕێوڕەسمە كە كۆمیتەی كۆمەڵە بە فەرمی بانگهێشت كرابوو وفدێك لە لایەن تەشكیلاتی كۆمەڵە لە نۆروێژ پێكهاتوو لە هاوڕێیان فەردین سەڵەواتی، مەنسوور سۆفی، شاناز بابایی، بەهار فاتمی و ئیبراهیم كۆنەپۆشی هاوكات لەگەڵ نوێنەری حیزب و ڕێكخراوەكانی دیكە بەشدارییان كرد.

لە بەشی خوێندنەوەی پەیامەكاندا، هاوڕێ ئیبراهیم كۆنەپۆشی بە نوێنەرایەتی تەشكیلاتی كۆمەڵە لە نۆروێژ وتەیەكی پێشكەش بە ئامادەبوان كرد و پیرۆزبایی ٧١ەمین ساڵیادی دامەزراندنی پارتی دیموكراتی كوردستانی لە هەمو تێكۆشەرانی پارتی كرد.

كۆمەڵەی شۆڕشگێڕی زەحمەتکێشانی كوردستانی ئێران
كۆمیتەی نۆروێژ

ئه‌م بابه‌ته 119 جار خوێنراوه‌ته‌وه‌‌

PM:09:56:04/09/2017