ديداری نێوان کۆمەڵەی شۆڕشگێڕ و حیزبی دیموکراتی کوردستانی ئێران



 ئەمڕۆ سێِشەممە رێکەوتی 6 مانگی ژوئێنی 2017ی زاینیی لە درێژەی زنجیرە چاوپێکەوتنی وەفدی کۆمەڵە سەبارەت بە کۆتایی هاتنی گۆنگرەی 15ی کۆمەڵە، وەفدێکی کۆمەڵەی شۆڕشگێڕ بە سەرپەرەشتی هاوڕێ ئەبووبەکر مودەڕسی بە دیدارێکی فەڕمی سەردانی بنکەی دەفتەری سیاسی حیزبی دیموکراتی کوردستانی ئێرانیان کرد و لە لایەن بەڕێز کاک مستەفا هیجری و وەفدی یاوەری پێشوازیی گەرمیان لێکرا.

سەرەتا هاوڕێ ئەبووبەکر مودەڕسی کورتە راپۆرتێکی سەبارەت بە چۆنیەتی بەستن و دەرئەنجامەکانی کۆتایی هاتنی کۆنگرەی 15ی کۆمەڵەی پێشکەش بە وەفدی حیزبی دیموکراتی کوردستانی ئێران کرد. هاوڕێ ئەبووبەکر بە ئاماژە بە کۆتایی هاتنی سەرکەوتووانەی کۆنگرەی 15 لە سەر بریار و پەسەندکراوەکانی کۆمەڵە قسەوباسێکی پێشکەش کرد و دواتر بە ئاماژە بە راسپاردەی پەیامی گۆنگرەی کۆمەڵە لە سەر هاوکاری و یەکگرتوویی هەرچی زیاتری حیزب و لایەنە سیاسیەکان جەختی کردەوە.

دواتر بەڕێز مستەفا هیجری سکرتێری گشتی حیزبی دیموکراتی کوردستانی ئێران وێڕای پیرۆزبایی گەرمی خۆی و سەرکرایەتی حدکا لە سەرکردایەتی هەڵبژێردراوی کۆنگرەی 15ی کۆمەڵە کرد. بەڕێز مستەفا هیجری بە ئاماژە بە دواپێشهاتەکان و دەرفەتەکانی بەردەم کورد بە گشتی و کوردستانی رۆژهەڵات بە تایبەتی ئاماژە و جەختی زیاتری لە سەر بابەتی هاوکاری لاینە سیاسیەکان کرد.
تەوەرێکی دیکەی دیدارەکەی نێوان رێبەری هەردولا بریتی بوو لە پەیوەندی نێوان کۆمەڵەو دیموکرات، لەوانە پێداچوونەوە، پێداگری لە سەر کاری هاوبەشی نێوان هەر دوولا لە ئاستە جۆراوجۆرەکان و باس لە پەرەپێدانی هاوپەیمانی نێوانمان و هاوکاری نێوان هەموو هێزەکانی کوردستانی رۆژهەڵات ئاڵ و گۆڕی بیروڕای لە سەر کراو هەر لایەنە روانگەو بۆچوونی خۆی خستە روو، لەم بارەشەوە پێویستی هاوکاری و تەبایی نێوان حیزبەکان پێداگری لە سەر کرا.

له‌م دانیشتنه‌دا که‌ له‌ که‌ش وهه‌وایه‌کی دۆستانه‌ وسه‌میمی دا به‌رێوه‌چوو هه‌ردووک لا جه‌ختیان له‌سه‌ر په‌ره‌پێدانی کۆبوونه‌وه‌ وهاوکاری زیاتر کرده‌وه‌ ودواتر هه‌یئه‌تی میوان له‌ لایه‌ن بەڕێزانی حیزبی دیموکراته‌ وه‌ به‌گرمی به‌ رێ کران.








ئه‌م بابه‌ته 567 جار خوێنراوه‌ته‌وه‌‌

PM:08:34:06/06/2017