بەشداری نوێنەری کۆمەڵە، لە سیمینارێک لە سەرکوردانی ئێزدی لە کانەدا



رۆژی چوارشەممە لە لایەن رێکخراوی لێبووردنی نێونه‌تەوه‌یی کانادا - لقی ترای سیتی، لە شاری ڤانکۆڤەری کانەدا سیمینارێک  سه‌باره‌ت به‌ مێژوو و ژیانی ئێزدییه‌کان بەرێوەچوو.
 لەو سیمینارەدا باسێکی وردو پڕ لە زانیاری، لە سەر ژیان و گوزەرانی ئێزدییەکان و مێژوو ناسنامەییان، ئەو نەهامەتی و کوێرەوەرییانەی کە بە سەرییاندا هاتووە، بە تایبەت لە گەڵ هاتنی داعش لە سێ ساڵی ڕابردوودا، پێشکەش بە ئامادەبووان کراو دواتریش دەرگای پرسیارو دیالۆگیکی کراوە لە سەر پرسی یەزیدییەکان کرایەوە.
هاورێ حەمید بەهرامی، بە نوێنەرایەتی کۆمیتەی کۆمەڵەی شۆڕشگێڕی زەحمەتکێشانی کوردستانی ئێران، ڕۆژئاوای کانەدا، لەو سیمینارەدا بەشداری کردو ڕاو بۆچوون و پرسیارەکانی لەو پێوەندییەدا خستە ڕوو.
جێگای باسە ئەم سیمینارە، جگە لە کوردانی دانیشتووی ڤانکۆڤەر، ئەندامانی پارلەمانی کانەداش تێیدا بەشدار بوون.

ئه‌م بابه‌ته 565 جار خوێنراوه‌ته‌وه‌‌

PM:05:19:05/05/2017